Ang 10-year old Shell Active Chess Kiddy grand champion na si So ay matagumpay na isinulong ang itim na piyesa para pigilin si Canadian Kevin Gibson at itala ang 3.5 puntos matapos ang limang laro sa boy's 10 and under division.
Si So ang may pinakamataas na puntos sa 10- kataong ipinadala sa torneong ito na sinuportahan ng First Gentleman Mike Arroyo Foundation, Timelife book president Mr. Hector Tagaysay, NCFP at PSC.
Hindi rin nagpahuli sina Cindy Atayde (girl's 14) at Cheyzer Mendoza (girl's 12) matapos nilang pisakin sina Elsa Thornfinnsdottir ng Israel at D. Barbageor Gopoolov ng Greece sa kani-kanilang division.
Subalit kung ano ang tinamasang kasiyahan ng tatlong woodpushers ay taliwas naman ang naganap kina Julius Joseph De Ramos (boy's 16), Arianne Aguja (girl's 18), Sherilly Cua (girl's 16), Karl Victor Ochoa (boy's 14-2), at Jan Jodilyn Fronda (girl's 10).