Tangan ang itim na piyesa, dinurog ng 16-anyos na si De Ramos si Russian Pavel Ponkratov (ELO 2360) sa third round ng boy's 16 and under para makalaban sa fourth round si Luka Lenic (ELO 2352) ng Slovenia.
Ang mga naunang pa-nalo ng pambato ng Letran high school team na si De Ramos ay laban kina Ilia Kakuszhadze ng Georgia at Egyptian bet Ahmed Adly (ELO 2448) sa una at ikalawang round ayon sa pagkakasunod.
Dalawa pang pambato ng bansa ang may malinis na kartada na may tig-2 wins, 1 draw na may total 2.5 points. Ito'y sina Wesley So (boy’s 10 and under) at Jan Jodilyn Fronda (girl’s 10 and under).
Si So na Grade-4 pupil ng Good Sheperd School sa Imus Cavite ay nagwagi sa itim na piyesa kay Tim Pipan ng Slovenia habang si Fronda ay nanalo laban kay Anna Endress ng Germany tangan ang puting piyesa.