Pacquiao at kalabang Mexican nagtagpo na

Malaki ang tiwala ni trainer Freddie Roach na matutugunan ni International Boxing Federation superbantamweight champion Manny Pacquiao ang tamang timbang na 122 lbs. sa opisyal na weigh-in bukas sa Grand Olympic Auditorium.

Nakatakdang idepensa ni Pacquiao ang kanyang korona laban kay Emmanuel Lucero ng Mexico sa Sabado ng gabi (Linggo ng umaga sa Manila).

Kahapon pormal na nagtagpo ang magkalaban sa meet-the-media affair kung saan kapwa naging magiliw sila sa isa’t isa at nagpakita ng respeto na ibang-iba sa sa pagpapalitan ng masasamang salita sa kampo naman nina Fer-nando Vargas at World Boxing Council number one challenger Fitz Vanderpool.

Ang nag-iisang Pinoy champion ay mababang loob na humarap sa media habang ang buong kampo niya ay libreng-libre na sa pagsagot sa tsismis na kumalat tungkol sa pagkakaroon niya ng hepatitis-B na ngayon ay sarado na matapos bigyan ito ng go-signal at pumasa sa lahat ng klaseng physical exami-nations.

Si Pacquiao na may record na 36-2-1 (28 knockouts) ay tila mas kondisyon at nasa mas magandang porma pa sapul nang manaig ito kay Lehlo Ledwaba ng South Africa may tatlong taon na ang nakakalipas sa Las Vegas. (Ulat ni DMVillena) <