Blue Eagles kinain ng Tamaraws

Kinubra ng Far Eastern University ang kanilang ikalawang sunod na panalo matapos pabagsakin ang nagtatanggol na koronang Ateneo De Manila University, 73-62 kagabi sa UAAP men’s basketball tournament sa Araneta Coliseum.

Pinangunahan ni Arwind Santos ang FEU Tamaraws sa pagkamada ng 17-puntos upang ipalasap sa Ateneo Blue Eagles ang ikalawang sunod na kabiguan.

Sa unang laro, nakabangon ang University of Sto. Tomas sa masaklap na pagkatalo noong opening day nang kanilang pasadsarin ang National University, 84-77.

Umangat sa 1-1 kar-tada ang Santo Tomas matapos malasap ang 88-75 kabiguan kontra sa La Salle noong opening day. (CVO)