Champion na ang Spurs

Kahit na marami ang nagdasal na makuha pa sana ng New Jersey Nets ang Game 6, tinapos na rin ng Spurs ang Finals kaya pansamantalang natatapos na rin ang NBA fever.

Babalik na ang atensyon sa PBA kung saan apat na teams ang pasok na sa semifinal round Sta. Lucia, Alaska, Coca Cola at Talk 'N Text.

Natutuwa naman ako para sa Sta. Lucia at Talk N Text na nakarating na sa semis. Matagal na nilang inaasam ito at ngayon, nalalapit na sila sa Finals.

Tiyak na magiging maganda ang labanan ng apat na teams na ito papunta sa Finals.

* * *

Nakakaloka ang ratings ng Meteor Garden ng Channel 2.

Halos 50% na ang nakukuha nitong ratings sa latest survey.

Ang Meteor Garden eh kasabay ng airing ng first game ng PBA.

Ang kasabay nitong programa sa Channel 7 eh one digit rating na lang.

Yan ang malaking problema ng PBA.

Kung ang second game airing eh kalaban ang mga teleserye ng Channels 2 and 7, ang first game airing naman eh kalaban ang Meteor Garden.

Kahit na anong pilit ng PBA na pagandahin ang coverage nila, hindi pa rin ito makalaban ng husto sa ratings dahil sa mga teleserye at sa phenomenal hit na Meteor Garden.

Nakakaloka talaga ang mga Pinoy noh?

Balewala na sa kanilang idolohin ang mga local stars o mapa-basketball man o showbiz. Mas gusto na talaga nila ang mga guwapong taga -Taiwan.

* * *

Na-realize ng isang sikat na basketball player na siya’y matanda na,

Kung noon eh hinahabol siya ng mga babae at ng mga basketball fans, ngayon eh nararamdaman niyang wala nang pumapansin sa kanya.

Ni hindi na siya naii-interview ng press.

Hindi na siya nakakakuha ng malaking atensyon sa mga fans.

Hindi na rin siya ginagamit sa team niya.

At higit sa lahat, hindi na siya sikat.

Wala na rin naman siyang magagawa dahil yan ay ang maliwa-nag na katotohanan na hindi na niya mapipigilan.

* * *

Isang PBA coach ang binigyan ng hanggang ngayong taon na lang na ito para hawakan ang kanyang team.

Pag hindi pa raw ito nagpakita ng maganda sa darating na conference, alam na natin ang susunod na mangyayari.