Makaraang igiya niya ang Welcoat mula 1999-2001, biglang nawala sa eksena si Baculi matapos na pansamantalang mag-leave-of-absence ng House Paints at hindi rin naging maganda ang kanyang maikling kampanya sa nasibak na MBA league.
At sa kanyang muling pagbabalik sa orihinal na tahanan na siyang nakaloob sa kanya ng kauna-unahang break nang kanya itong trangkuhan sa mga panalo, tila naging mahirap para sa kanya na maghulma ng isang koponang pang-kampeonato, pero ang anumang hamon ay kanyang nalagpasan at dinala niya ang Cecilio Pedro-owned Lamoiyan Corporation franchise sa finals kontra sa Welcoat Paints sa 2002 PBL Challenge Cup.
At ngayon, isa na namang panibagong hamon ang binalikat ni Baculi nang kanyang ihatid sa ikalawang sunod na championships appearance ang Hapee matapos na iposte ang 86-83 tagumpay kontra sa Montana Jewels noong Martes ng gabi, umaasa si Baculi na mawawakasan niya ang pitong taong tagtuyot ng koponan mula ng makopo ang 1996 PBL Reinforced Conference kung saan gumiya ang Chinese sensation na si Ma Jian bilang import.
"The PBL has been very kind to me. The league has been like a home. nawala ako ng dalawang beses, there’s still a room ready sa pagbabalik ko. Kaya bilang pasasalamat, I owe it to the league and especially the fans to always give my best as a coach," wika ni Baculi na nasa kanyang ikasiyam na championship appearance matapos niyang bigyan ang Welcoat ng Anim at dalawa naman sa Lamoiyan.
" I also thank the Lord for His blessings. I may be an old face in the championship picture, but every title series is a different perspective, a different challenge from the previous one. And this championship series against Viva could be much tougher, that’s why we’re preparing a much different game plan against them," dagdag pa niya.
"Talento, malalim na bench at karanasan"
Ito ang sasandigan ni Baculi at ng kanyang bataan sa pagsisimula ng knailang best-of-five titular showdown sa Sunkist-PBL 2003 Unity Cup kontra Viva Mineral Water.
At sa pagsisimula ng Game One sa Sabado sa Quezon Convention Center sa Lucena City,