Paeng Nepomuceno pinarangalan muli

Muling pinarangalan ng Guinness Book of World Record si World champion Paeng Nepomuceno sa kanilang 2003 edition na may listahan din ng dalawang world records.

Sa nakaraang edisyon ng naturang libro, si Paeng ay nakapaglista ng tatlong Bowling World Cup titles sa tatlong magkakaibang dekada. Ito ay noong 1976 sa Teh-ran, 1980 sa Jakarta at 1992 sa Le Mans France.

Ang 2003 edition may bagong record na kinabibilangan ng kanyang tagumpay sa Belfast, Northern Ireland noong 1996. Ang isa pang record na kinilala ng Guinness ay ang pagiging pinakabatang bowler na nanalo ng World Bowling title sa edad na 19 noong 1976 sa Tehran, Iran. Ang Bowling World Cup ay kinokonsiderang pinakamalaking taunang kompetisyon sa daigdig.

Kinikilala din si Paeng bilang most decorated international bowler.