Blu, Welcoat dudugtungan ang tsansa

Pipilitin ng Blu Star at Welcoat Paints na madugtungan ang kanilang naghihingalong tsansa na makasulong pa sa susunod na round sa kanilang nakatakdang engkuwentro sa magkahiwalay na laban sa Sunkist-PBL Unity Cup sa Makati Coliseum.

Unang sasagupa ang Detergent Kings sa tigasing John-O sa alas-2 ng hapon, habang susunod namang papagitna ang Welcoat Paints at ang ICTSI sa alas-4 ng hapon.

Kapwa kailangan ng Detergent Kings at Paint Masters na maipanalo ang kanilang laro upang pagandahin ang kani-kanilang kartada para mapasabak sa huling nakatayang semifinals slots.

Samantala, sa huling laro, magbabanatan naman ang Viva Mineral Water at ang RP Team sa alas-6 ng gabi.