At dahil isa siyang well-loved personality, dumagsa ang mga bisita mula sa business, politics at sports particularly sa basketball. Grabe ang dami ng taong dumating para batiin si Mang Bert, isang pagpapatunay na marami ang nagmamahal sa kanya. Hindi magkakasya sa espasyong ito kung iisa-isahin pa natin ang malalaking mga pangalan na dumating upang batiin si Mang Bert!
Ang kanyang celebration ay ginanap sa gym ng De La Salle Zobel at pagkatapos ng masarap na dinner, nagkaroon naman ng isang dinner show sa Sylvia Lina Theatre sa may La Salle Zobel pa rin at doon ay nag-concert ang napakagaling na si Lani Misalucha!
Hindi malilimutan ni Mr. Bert Lina ang kaarawan niyang ito dahil sa talaga namang napaka-memorable!
Siyempre pa, nandoon ang FedEx basketball team and coaching staff na bumati rin sa kanilang boss!
Happy birthday, Mr. Bert Lina and may the good Lord continue to shower you with more blessings, good health, prosperity and peace in your family!
Yung isa’y, sana’y maging matagumpay ang pagtatanghal ng Tour Pilipinas na malapit nang mag-umpisa.
Dahil nationwide ang coverage at scope nito, maraming sakit ng ulo ang na-encounter ng mga organizers na ang prime sponsor ay ang FedEx.
Dito naman involved na involved si Mr. Lito Alvarez na siyang president ng FedEx.
Hindi lang basketball ang pinagkakaabalahan ng FedEx ngayon kundi maging cycling at iba pang sports.
Blessed ang sports world natin dahil sa hirap ng negosyo ngayon at halos lahat ng kumpanya ay umiiwas sa sponsorship, mabuti at nandiyan ang tulad ng FedEx na patuloy na sumusuporta sa mga sports events, mapa-basketball man o ibang sports.
Ipinagdidiinan ni Mr. Alvarez na kahit anong mangyari, may krisis man o wala, may takot man sa SARS ang mga tao o wala, bumagyo man o umulan, tuloy na tuloy na ang pagtatanghal ng Tour Pilipinas!
Walang makakapigil sa FedEx sa kanilang Tour Pilipinas 2003!
Mabuhay ka, Mr. Lito Alvarez!