Summer get-together party para sa mga Vietnam SEA Games athletes

Binigyan ng Philippine Sports Commission ang mga kinatawan ng bansa sa Southeast Asian Games sa Vietnam ngayong Disyembre ng pahinga mula sa malalim na training kaugnay ng kanilang ‘Summer Get-Together Party.’

Nakipagsanib ng puwersa ang Enchanted Kingdom, ang National Theme Park at Centrum ang opisyal na multi-vitamins ng Team Philippines sa PSC upang suportahan ang kanilang nasabing programa.

"Through this excursion, we hope to have strengthened the camaraderie and bonding among athletes, coaches and the agency’s officials, while providing respite from the rigorous training of the flag-bearers," ani PSC chairman Eric Buhain.

Tinanggal ng management ng Enchanted Kingdom ang entrance fees, habang naglaan naman ang Centrum ng allowances para sa mahigit na 300 atleta, coaches at opisyales ng PSC na sumali sa nasabing kasiyahan.