Nadera tinapos ni Donguines

Tinapos ni FIDE Master Fernie Donguines ang pananalasa ni International Master Barlo Nadera nang kanyang talunin ang dating lider sa isang marathon 73 moves ng Queen’s Pawn game upang ipuwersa ang three-way tie para sa pangunguna makaraan ang siyam na rounds ng 2003 Shell National Open Chess Championship sa Kaban ng Hiyas Bldg., Mandaluyong City Hall, Mandaluyong City.

Ang panalo ay naglagay kay Donguines sa three-way logjam kasama sina Nadera at ang 11th seed NM Rolly Martinez na nanaig kontra NM Mirabeau Maga sa 63 moves ng Closed Sicilian patungo sa penultimate round na 11th round event na inorganisa ng National Chess Federation of the Philippines.