Palarong Pambansa kapos sa budget

Panibagong problema naman ang kakaharapin ng Lanao del Norte hinggil sa kanilang napipintong pagho-host ngayong taong Palarong Pambansa.

Bukod sa seguridad, hindi ubra ang ibinigay na P10 milyon budget ng Kongreso para gastusan ang nasabing biennial meet na ito para sa high-school at elementary students na nakatakdang sumikad sa darating na Mayo 4-11 sa Tubod, Lanao del Norte.

Ayon kay PSC commissioner William ‘Butch’ Ramirez, hihingi ang Lanao del Norte ng tulong kay Pangulong Gloria Macapagal-Arroyo upang maituloy ang nasabing multi-meet na ito sa pamamagitan ng kanyang Presidential Assistance Fund.

Bukod sa President’s fund, hihingi rin ng tulong ang PSC at Lanao del Norte ng karagdagang tulong mula sa Department of Budget and Management sa pamamagitan ni Secretary Emilia Boncodin, gayundin sa mga private at business sector.