Spring Cooking Oil handa na

Handang-handa na ang kasalukuyang interclub champion Spring Cooking Oil ng Malabon at tatlong iba pang teams--Cebu’s M. Lhuillier-Kwarta Padala, Pampanga’s University of Assumption at Mandaluyong’s Wang’s Ball Club--para sumabak sa Luzon leg champion Shineway Ham Sausage ng Ozamiz at finalist Forward Taguig sa pagbubukas ng National Basketball League’s Viz-Min phase sa Marso 19 sa Ozamiz City.

"Based on the format which keeps win-loss records in the Luzon leg, all these teams still have chances of emerging, not only as Viz-Min titlist, but also as first regional champion," pahayag ni NBL executive vice president Nathaniel ‘Tac’ Padilla, na isa ring national shooting champ at Spring team owner.

Dinomina ng Shineway at Taguig ang Luzon leg sa kanilang magkatulad na 4-1 kartada, sinundan ng Lhuillier (3-2), Spring Cooking Oil (2-3), UA (2-3) at Wang’s (0-5).

Pinalakas ng Spring ang kanilang line-up kung saan kinuha nila sina Rolly Menor at Glenn Peter Yap, kapwa ng Davao Eagles, ex-Pharmaquick’s Edwin Pimentel, dating Blu star Francis Sanz ang magpapalakas ng kanilang kampanya.

Ang top two teams ang siyang papasok sa semifinals na mayroong twice-to-beat advantage.