Nationals vs Blu Star

Target ng RP-Cebuana ang ikalawang panalo sa pagsubok ng kanilang lakas kontra sa Blu Star Detergent sa PBL Outreach Tour sa San Juan gym.

Ang gametime ay sa ganap na alas-singko ng hapon.

Umaasa naman na makakahatak ng panalo ang bagong Viva Mineral Water team na pinamumunuan ng FEU Tamaraws sa kanilang laban naman kontra sa ICTSI-La Salle sa alas-3 ng hapon.

Ang Nationals ay humatak ng magandang panalo laban sa Montana Jewels, 65-64 noong Biyernes sa likuran ng kabayanihan ni Paul Artadi.

Ang panalo ay nagbigay sa mga bataan ni coach Aric del Rosario ng kinailangang kumpiyansa na humarap sa mas malakas na koponan tulad ng Detergent Kings.