PBL Rookie aspirants tinatanggap

Ang application para sa rookie aspirants para sa nalalapit na PBL 2003 season ay kasalukuyang tinatanggap na sa PBL Office, Makati Coliseum, 31 Mascardo St., La Paz Village, Makati City.

Tanging ang mga ipinanganak sa taong 1975 o kaya’y 28-anyos pababa ang siyang kuwalipikadong sumali sa PBL Rookie Draft. Ang sinumang aspiring players na ibig makalaro sa anumang koponan ngayong season ay maaaring lumagda sa application form sa PBL Office kasama ang 1x1 ID picture.

Sa ngayon, mayroon ng 60 aplikante ang lumagda na sa PBL Rookie Draft.

Sa kasalukuyan, karamihan sa nakalistang mga manlalaro ay pawang nagpakita na ng aksiyon sa National Collegiate Regional Athletic Association (NCRAA).

Para sa iba pang detalye, tumawag sa PBL Office sa 897-6383 at 8956483.