GMA mamamahagi ng financial assistance

Sa wakas, matutupad na ng mga Pilipinong boksingero na mayroon ng kapansanan ang kanilang inaasam-asam na makatanggap ng financial assistance sa Jan. 31 sa Games and Amusements Board’s main office sa second floor ng Legaspi Towers 200, sa may Paseo de Roxas sa Makati City.

Inimbitahan ang Pangulong Gloria Macapagal-Arroyo upang siyang manguna sa pamamahagi ng mga pondo na nakatakda sa alas-4 ng hapon.

Ang Pangulong Arroyo ay aasistihan nina GAB chairman Eduardo Villanueva na siyang pinuno ng Disabled Filipino Boxers Trust Fund at dalawang miyembro ng Board of Trustees-Philippine Boxing Association president Gov. Raul Daza at Philippine Sportwriters Asosciation president Roberto Cuevas.

"It’s not much, but the (monetary) support will definitely help alleviate the plight of former boxers," wika ni Villanueva.

Itinatag ang Disabled Filipino Boxers Trust Fund sa bisa ng R.A. No. 1373 na nagbibigay awtorisasyon sa Philippine Sportswriters Association na magsagawa ng isang benefit boxing show kada taon na ang kikitain ay mapupunta sa mga may kapansanang boxers.