Sinabi ni Sen. Barbers, chairman ng senate committee on games, amusements and sports, tumanggap siya ng impormasyon na maraming mga dayuhang PBA players ay dinoktor lamang ang kanilang mga isinumiteng dokumento sa Department of Justice (DOJ) sa pamamagitan ng Bureau of Immigration (BI) para palabasin na may dugo silang Pinoy.
"I am in close coordination with my contacts who already furnished me with pieces of evidence that there are players who manufactured documents such as their parent’s birth certificates. This is a clear of credit and defraud," wika pa ni Barbers.
Aniya, hihilingin din niya sa Senado ang agarang imbestigasyon upang rebyuhin ang pinaiiral na policies ng PBA kaugnay sa status ng mga Fil-foreigner players at ang basehan ng BI sa pag-eendorso nito sa DOJ para sa kinakailangang sertipikasyon ng kanilang citizenship upang makapaglaro sa PBA.
Idinagdag pa ng mambabatas, maging ang mga agents na tumulong para palsipikahin ang mga dokumento ng mga Fil-foreigners na ito ay dapat managot din sa ilalim ng ating batas bukod sa pagbabawal sa mga ito na makipag-transaksiyon pa sa PBA. (Ulat ni Rudy Andal)