Regent-Shark may dalawang misyon

Sa pagpasok ng Regent-Sharks sa crossover semifinals, mayroong dalawang misyon ang bagong head coach na si Jing Ruiz at ang kanyang tropa kontra sa Montana Pawnshop sa PBL-CBF Dual Meet II sa University of San Carlos Gym.

Una, nais niyang matabunan ang kanilang maagang pagkakasibak sa elimination ng first PBL-CBF Dual Meet sa Pasig noong nakaraang buwan.

Ikalawa, umaasa ang Cheeseballs na maipaghihiganti nila ang kanilang 58-59 kabiguan kontra sa Jewelers noong Biyernes ng gabi.

Inokupahan ng Regent-Shark at Montana ang No. 2 at No. 3 spot makaraan ang elimination round matapos na manalo ang Cebuana Lhuillier sa Skygo Riders, 70-63 na siyang nagbigay sa Jewelers ng unang spot, habang napasakamay ng Blu All Purpose ang ikaapat at huling puwesto matapos ang 93-72 panalo kontra Montana.