Bronze at silver lamang ang inaasahan sa athletics

BUSAN -- Bronze lamang o hanggang silver ang maaasahan sa Philippine track and field team, ang naging pambato ng bansa sa Southeast Asian Games kung saan sila ay nagsukbit ng siyam na golds, sampung silver at apat na bronzes noong nakaraang taon sa Kuala Lumpur, Malaysia.

Base sa nakaraang Asian trackfest sa Sri Lanka noong nakaraang buwan, sina long jumpers Lerma Bulauitan-Gabito at Marestela Torres ang inaasahang makakakuha ng medalya para sa 13-miyembro ng athletics team.

"Masyadong malakas ang kalaban dito," ani Dario de Rosas, isa sa limang Filipino coaches ng athletics team bago magtungo sa pag-eensayo kahapon.

Ayon kay de Rosas, may tsansang maka-bronze sina Eduardo Bue-navista, nanalo ng dalawang gold sa Malaysia sa 3,000 at 5,000-meters steeplechase; John Lozada, SEAG 800-m champion; at Kuala Lumpur marathon winners Roy Vence at Christabel Martes.

"Baka lumaban sila pero mahirap din dahil iba na ang labanan dito," dagdag ni de Rosas.