NBN nakuha ang rights sa Asian Games

Ilang oras makaraang maging panauhin sa lingguhang Philippine Sportswriters Association forum kamakalawa, umiskor ang National Broadcasting Network ng isang malaking tagumpay nang pagkalooban sila ng full broadcast rights mula sa Asian Games marketing group Dentsu at Young.

Ito’y nangangahulugan na magiging mas maganda ang panonood ng mga Filipino viewers at mas maraming comprehensive coverage ng mga atletang Pinoy na makikipagtagisan ng talento upang makapag-uwi ng medalya para sa bansa sa nalalapit na Busan Asian Games sa susunod na buwan.

"This development is a big victory for us. We really worked hard and fought for this because we don’t want the Filipino people to be denied the chance to witness the exploits of our national athletes in the country’s quest for Asian Games golds," ani NBN chairman Mia Concio.

"This is the main reason why I had to forego my guesting at the PSA forum and send NBN general manager Joey Isabelo instead.Our meeting started at that time and we’re very happy that our efforts paid off. We’re very grateful that Dentsu and Young awarded us the exclusivity, and also the Philippine Olympic Committee and the Asian Broadcasting Union for their assistance," dagdag pa ni Concio.

At dahil sa pagkakaroon ng full broadcast right, hawak ng government network ang esklusibong telecast ng nasabing quadrennial meet kung saan tinatayang aabot sa P125 milyon ang kinakailangang budget para sa nasabing coverage.

Bunga nito, isang koponan agad ang inorganisa ni Concio para mapabilis ang kanilang preparasyon sa nasabing event. Ang advance party ay nakatakdang tumulak sa Busan upang isaayos ang broadcast center at iba pang mga bagay para sa detalye ng coverage na binubuo ng mga pool of talented sportscasters at crew upang mag-deliver ng blow-by-blow accounts sa kampanya ng bansa.