NCAA: Altas durog sa Stags

Naging magaan ang tagumpay ng defending champion San Sebastian College-Recoletos kontra sa University of Perpetual Help Rizal kahapon, 84-74 sa pagpapatuloy ng aksiyon sa UAAP men’s basketball tournament sa Rizal Memorial Coliseum kahapon.

Ito ang ikapitong panalo ng UPHR Altas sa siyam na pakikipaglaban na nag-angat sa kanila sa ikalawang puwesto ng standings matapos agawan sa puwesto ang third placer na ngayong Philippine Christian University.

Ipinaramdam na ng Baste ang kabiguan sa Perpetual nang kanilang ibandera ang 17-puntos na kalamangan sa pagtatapos ng first half, 49-32 na kanilang priniserba sa ikalawang bahagi ng labanan.

Humakot si Roy Falcasantos ng 15 puntos upang pangunahan ang San Sebastian na nagpalasap sa Perpetual ng kanilang ikasiyam na kabiguan sa 10 laro.

Sa juniors division, inilampaso din ng SSC Staglets ang UPHR Altalletes, 134-51.