NCAA balik-aksiyon

Tuluyan nang magbabalik aksiyon ang NCAA basketball tournament ngayon sa Rizal Memorial Coliseum.

Matapos makansela ang tatlong playdates dahil sa malalakas na ulan at ang isa ay dahil sa pagbibigay daan sa Pambansang local na eleksiyon, wala nang makakapigil pa sa apat na larong naka-takda ngayon.

Tampok na laro ang engkwentro ngayon ng Mapua Institute of Technology at College of Saint Benilde sa seniors division sa dakong alas-4:00 ng hapon na susundan ng engkwentro ng kanilang junior counterparts sa bandang alas-6:00 ng gabi.

Ikatlong sunod na panalo ang hangad ng kasalukuyang leader na St. Benilde habang layunin naman ng Mapua na makakalas naman sa 6-way tie sa 1-1 panalo-talo kung saan kasama ang Letran College, University of Perpetual Help Rizal, Philippine Christian University, host Jose Rizal University, at defending champion San Sebastian College.