Rubillar, Gamboa title fight iniurong

Sa hindi inaasahang pangyayari, ang kasalukuyang World Boxing Council (WBC) international lightflyweight champion na si Juanito Rubillar ay naaksidente sa kanyang pag-eensayo noong Martes sa Elorde Boxing Gym sa Sucat, Parañaque City.

Sa gitna ng puspusang ensayo sa ilalim ni dating Philippine flyweight champion Renato Busayong, bahagyang na-dislocate ang kanang kamay ng kampeon.

Ang aksidenteng ito ay isang malaging dagok kay Rubillar sa kanyang nalalapit na ikatlong pagdepensa laban sa dati ring World Boxing Association (WBA) minimumweight champion Joma Gamboa.

Sa pagkakataong ito, minabuti ni boxing promoter Gabriel ‘Bebot’ Elorde. Jr., na iurong ang petsa ng nasabing laban na orihinal na itinakda sa Mayo 18 at ito ay gaganapin na lamang sa Mayo 31 ng taong kasalukuyan.