Milo Ice-Skating Clinic

Magdaraos ang Milo Ice Skating Clinic ng summer classes sa dalawang lugar--SM Megamall sa Mandaluyong at SM Southmall sa Las Piñas City simula sa Abril 3.

Gaganapin ang figure skating session tuwing araw ng Lunes, Miyerkules at Biyernes mula Abril 3 hanggang Mayo 17, habang ang ice hockey clinics ay gaganapin naman tuwing Martes, Huwebes at Sabado simula sa Abril 4 hanggang Mayo 18 ang lahat ay pawang sa Megamall at Southmall ice skating rinks idaraos.

Pangungunahan ng beteranong coach na si Eric Navalta ang mahabang listahan ng mga instructors sa figure skating class habang si Paul Medina naman ang siyang mangunguna sa ice hockey clinic.

Ang sinumang interesadong partido ay maaring magpatala sa SM Megamall ice skating rink, Lower Ground Level, Building A, Ortigas Center, Mandaluyong City (tel. no. 6335008) o kaya sa SM Southmall ice skating rink, Lower Ground Level, Alabang-Zapote Road, Las Piñas City (tel. no. 8000426).