Milo Junior netfest

DAVAO-- Pinatalsik ni Franz Bonilla ng Bansalam si Mark Balce, 6-3, 6-3 upang umabante sa boys’ 14-under division sa panimula ng Milo Junior Tennis Cup and Regional Workshop dito noong Sabado.

Hinatak din ni Bonilla sina Metro Manila age-groupers Daniel Macalino at Gerard Ngo na namayani kina Robin Jan Villegas 6-2, 6-1 at Christian Canlas 7-6, 6-4, ayon sa pagkakasunod sa Milo netfest na inorganisa ng CTW at suportado ng Adidas at Sports Kids.

Namayani din si Hussein Macapandeg ng Cotabato City kay Gerard Pinili, 7-6, 6-3, sa gayunding age bracket.

Sa girls’ 12-under category, pinayuko ni Ma. Lydia Aguilar si Charlotte Cejas, 6-4, 7-5; namayani si Mary Modelo kay Jodie Aguilo, 6-1, 6-1 at blinangko ni Nadia Garbo si Vernie Redondo, 6-0, 6-0.