Top darters ng RP palalakasin

Upang palakasin ang tsansa na mabawi ang korona sa Asia-Pacific Cup na gaganapin sa Bangkok, Thailand sa Mayo, ipinatawag ng Darts Council of the Philippines ang top 16 male at top five female darters upang lumahok sa isang buwang serye na tutulong sa Board of Selectors na madetermina ang komposisyon ng RP squad.

Base sa DCP ranking system mula Enero 1 hanggang Disyembre 31, 2001, ang top 16 male darters, ayon sa pagkakasunod-sunod ay sina Boy Parfan, Robert Reyes, Joseph Domanais, Dixie Ybañez, Ricky Mijares, Richie Ebol, Noel Anino, Bert Lozano, Wilbert Cuevas, Nico Depainos, Cosntancio Allikoy, Pattie dela Pasion, Tony Gomez, Edward Capawan, Gilbert Noble at Lorenz Ilagan.

Ang top five female darers naman ay sina Janjan Hinojales, Baby Villanueva, Rose Noble, Joan Ayoran at Macel Maralit.

Magsisimula ang buwanang serye bukas sa Pearl Plaza Billiards and Bar sa Quirino Avenue, Tambo, Parañaque. Ang mga laro’y magsisimula sa ganap na alas-2 ng hapon.

Ang iba pang petsa para sa serye ay sa Marso 17 sa Gameworx sa Festival Mall sa Alabang; Abril 20 sa Amber Ihaw-Ihaw Restaurant at Mayo 12 sa Gameworx. Ang lahat ng laro’y magsisimula sa ganap na alas-2 pm.