Macalino yuko kay Tangalin

BAGUIO-Niyanig ng local standout Andrew Tangalin ang paboritong lahok ng Manila na si Daniel Macalino, 8-5, habang dinuplika rin ng kanyang nakatatandang kapatid na si Jimmy ang kanyang tagumpay nang itala ang 8-6 panalo kontra Ghande Matunog ng San Beda upang umusad sa susunod na round ng inulan na Adidas Tennis Challenge 2001 dito sa city claycourts.

Naseguro na ni Andrew ang kanyang slot sa semifinals ng boys’ 12-under division kasama si Jopy Mamawal na bumokya naman sa kalabang si Akio Sy, 8-0; Christian Canlas na nagposte ng 8-1 panalo laban naman kay Rodel Navarro at Paul Papa na sumibak kay Jay Mamawal, 8-2.

Umusad si Jimmy sa quarterfinal ng junior men’s 21-under class kasama ang SLU teammates na si Jan Thomann at Chaya Pascual sa Adidas netfest na ito na inorganisa ng CTW at suportado ng Milo at Sports Kids.