MBA First Phase: Delantes ipinagpalit kay De Jesus

Umabot sa itinakdang oras ng deadline para makapag-trade ang isang koponan ang Cebuana Lhuillier nang kanilang i-trade ang forward na si Max Delantes sa Socsargen Marlins kapalit ni Chris de Jesus para mapalakas ang kanilang kampanya sa semifinal round kontra sa Negros Slashers sa first phase ng 2001 MBA season.

Makakaharap ng Gems ang Slashers bukas para sa knockout game sa University of St. La Salle Gym sa Bacolod City para sa unang final slot para sa South team.

Ayon sa source, sinabihan ni Socsargen team owner Ben Solon ang Cebuana Lhuillier na ibig nilang makuha si Delantes, na naglaro ng tatlong season kapalit ng isa sa kanilang mga manlalaro na kinabibi-langan ni de Jesus.

Ang pagkakasama ni de Jesus sa Gems ang magbibigay ng karagdagang lakas sa opensa ng Cebuana Lhuillier na naghati sa kanilang dalawang laban ng Negros ngayong conference, habang ang pagkakabalik naman ni Delantes sa Marlins ang magbibigay ng malaking banta ng Marlins sa loob.

Sa kaugnay na balita, nai-trade din ng Davao Eagles si Mike Manigo sa Fedex Laguna Lakers kapalit ni Genesis Sasuman.