PSC 3rd Summer Youth Training Camp, nilahukan ng 200 kabataan

LAOAG, Ilocos Norte--Dinaluhan ng hindi bababa sa 200 kabataang athletic achievers, medalists ng Batang Pinoy at Palarong Pambansa ang makulay na pagbubukas kahapon ng Philippine Sports Commission Third Summer Youth Training Camp sa Marcos Stadium dito.

"I urge all of you to take into your heart and mind your participation in this camp. Learn and absorb as much knowledge as you can for it will surely propel you to your future success," ani PSC Chairman Carlos Tuason.

Ayon kay commissioner Amparo "Weena" Lim, Project Director na ang nasabing training camp ay bahagi ng government’s commitment sa pag-aalaga ng grassroots sports at linya ng PSC na makadevelop ng mga bagong tuklas na talento para sa mga bagong henerasyon na magiging bayani ng sports.

Naging panauhin si Ilocos Norte Governor Ferdinand "Bong Bong" Marcos Jr., sa opening rites na dinaluhan din nina Vice Gov. Mariano Nalupta, Jr., Laoag City Mayor Roger Fariñas, Congressman Roquito Ablan at Ilocos Norte Sports Development Council consultant at dating Gintong Alay chief Michael Keon, ang Camp Director.