Armyman, nanalo sa Takbuhan sa Pasig 2001

Isang 23 anyos na miyembro ng Philippine Army ang kumupo ng unang puwesto at halagang P10,000 sa 20K category ng Takbuhan sa Pasig 2001 na ginanap sa PhilSports sa Pasig City.

Napagwagian ni Renaldo delos Reyes ang karera sa bilis na 1:10:56.

Pumangalawa naman si Ronald Despi ng Philippine Navy na naorasan ng 1:12:44 at ikatlo si Luis Penid 1:12:50. Ang dalawa ay tumanggap ng P5,000 at P3,000 ayon sa pagkakasunod.

Binigyan naman ng special awards sina Jesus Caño at Rodolfo Castañeda, kapwa 74 anyos na tumakbo naman sa 10K category bilang pinakamatandang kalahok; Rafael San Pedro, handicapped runner; at Junex Julro Dacanay, pinakabatang kalahok.