Pinoy boxers pararangalan sa 'Banquet of Champions'

Sa pagdiriwang ng kaarawan ng pinagkakapitagang dating junior lightweight champion na si Gabriel "Flash" Elorde, paparangalan ang mga natatanging Filipino boxers sa isang pagtitipon-tipon.

Gaganapin ang ‘Banquet of Champions" na inihanda ng pamilya Elorde sa Marso 25 sa Rigodon Ballroom ng Manila Hotel kung saan ihahayag ang mga boksingerong bibigyan ng parangal.

Ihahayag ang mga tatanghaling Best Fighter, Knockout of the Year, Best Fight, Best Judge,Best Referee, Best Trainer at Best Matchmaker bukod pa sa mga boksingerong bibigyan ng rekognisyon sa 9-divisions.

Kabilang sa mga pararangalan sina World Boxing Council (WBC) flyweight king Malcolm Tuñacao, International superflyweight titlist Gerry Peñalosa at International super bantamweight champion Manny Pacquiao.