2001 National Chess Championships sisimulan sa Marso 24

Ang lahat ng preparasyon ay handa na para sa 2001 National Chess Championships na magsisimula sa Marso 24 hanggang Abril 11.

Ito ang inihayag kamakailan ni National Chess Federation of the Philippines (NCFP) president Eugene Torre matapos na ang nasabing organisasyon ay napuwersang makipag-team-up sa sportsman na si Atty. Matias "Mat" Defensor.

Tinatayang aabot sa 200 chessers mula sa buong bansa ang inaasahang lalahok sa men’s open na magsisimula sa isang 11-round Swiss System elimination na gaganapin sa Greenhills Shopping Complex. Matapos ito, ang 12 qualifiers ay magpapalitan naman ng estratehiya sa tatlong grandmasters sa single round-robin final.

Nasabay din ang national women’s championship sa men’s eliminations.