Southdridge vs PCU sa Under-16 football tourney

Ikalawang panalo ang tatangkaing makuha ng Southdridge sa kanilang pakikipagharap kontra sa PCU ngayon sa NCR eliminations ng Coke Go-for-Goal Under-16 football tournament sa Southdrige pitch.

Maghaharap ang dalawang koponan sa alas-3 ng hapon.

Ikatlong panalo naman ang hangad ng defending champion Ateneo kontra sa Don Bosco Mandaluyong sa alas-3 ng hapon bukas sa kanilang laban na gaganapin naman sa DBM soccer field.

Ang top team sa NCR eliminations ang siyang uusad sa Coke Go-for-Goal All-Luzon finals na nakatakda sa susunod na buwan.