32 bansa lalahok sa 1st World Police Iron Man Triathlon Champ

Tatlumpu’t dalawang bansa ang nakatakdang lumahok sa kauna-unahang World Police Iron Man Triathlon Championship na gaganapin sa United Arab Emirates sa darating na buwan.

Ito ang ipinahayag kamakailan ni Major General Sheikh Saif bin Zayed Al Nahyan, undersecretary ng UAE Ministry of Interior at tagapangulo ng kumiteng nagsasaayos ng nasabing kumpetisyon.

Ang nabanggit na kompetisyon ay idaraos sa Abu Dhabi Corniche simula Nov. 4-6 kung saan sa 32 bansang kalahok ay kinabibilangan ng 10 bansang Arabo na magpapakita ng aksiyon sa karera ng paglangoy, pagbisikleta at pagtakbo. At ito ay nasabay rin sa ika-10 taong selebrasyon ng Police Sports Association ng UAE.