Yulo andam motudlo sa mga kabatan-onan

CEBU, Philippines — Ang pagkulit ni Carlos Yulo og kasaysayan sa Paris Olympics mao pa lamang ang sinugdanan.

Kini tungod kay ang kinatumyang damgo sa "Golden Boy" mao ang pagsabwag sa iyang mga nakat-onan ngadto sa mga kabatan-onan aron makatabang paghulma og potensiyal nga mga gymnasts sarang makahatag og dungog ug garbo sa nasud sa umaabot sama kaniya.

 After po ng career ko, gusto ko rin po pumasok sa coaching and help other kids. Hindi ko pa sya iniisip sa ngayon pero in the future, yun po ang gusto kong gawin, matud pa ni Yulo.

Buot ni Yulo nga ipaambit ang iyang talento ug grasya nga gibubo kaniya sa kahitas-an ngadto sa uban ilabi na sa labing nanginahanglan.

 Marami pa pong aspects para matulungan yung mga atleta. Sana i-introduce more sports sa schools, then later on kung gusto talaga nila ituloy, nandiyan naman po yung PSC at POC para mag-accommodate ng athletes,  dugang pa ni Yulo.

Gusto ni Yulo nga himoong ehemplo sa Pilipinas ang programa sa sports sa Japan aron makamugna og daghang dekalibreng gymnastics nga modala sa bandila sa nasud sa internasyonal nga mga kompetisyon ugma damlag.

 Siguro po sa knowledge lang tayo kulang sa sports. Sa Japan po, grabe  yung culture ng sports nila. Mas maganda na naglalaro ang mga kabataan ng kahit anong sports, gymnastics man po, athletics o basketball. Gusto ko pong mag-encourage na mapalawak pa po  yun, padayag pa ni Yulo.