3 Pinoy drug mule naharang sa NAIA

MANILA, Philippines — Tatlong Pinoy drug mule na galing Bangkok, Thailand ang naharang ng mga tauhan ng Bureau of Customs – Ninoy Aquino International Airport (BOC-NAIA) makaraang madiskubre sa anim na bagahe ang kahina-hinalang illegal drugs sa NAIA Terminal 3 kahapon.

Ayon sa report, naglalaman ng 18, 679 gramo ng pinaghihinalaang kush o high grade marijuana ang anim na bagahe na nagkakahalaga ng P18.6 milyon nang idaan sa X-ray scanning machine.

Una pang inakalang pagkain ang laman ng bagahe.

Patuloy pa rin ang  imbestigasyon at pagproseso sa mga ebidensiyang nasamsam ng mga awtoridad.

Nai-turn over na ang mga drug mule at dala nilang mga kontrababdo sa PDEA para sa masu­sing imbestigasyon at disposisyon.