P5 sa gasolina, higit P4 sa diesel at kerosene

Panibagong bigtime oil price hike

MANILA, Philippines — Inianunsiyo ng Department of Energy (DOE) na magkakaroong muli ng panibagong malakihang pagtaas ang presyo ng mga produktong petrolyo sa bansa, simula ngayong Martes, Setyembre 15.

Ito’y dulot pa rin nang nagpapatuloy na tensiyon sa pagitan ng Estados Unidos at Iran sa Gitnang Silangan.

Base sa pinakahuling kalkulasyon ng DOE, inaasahang aabot sa P4.31 kada litro ang itataas ng presyo ng diesel. Ang gasolina naman ang magkakaroon ng pinakamalaking pagtaas ng presyo na nasa P5.68 kada litro. Maging ang kerosina naman ay may pagtaas din sa presyo na nasa P4.62 kada litro.

Ang pinal na paggalaw sa presyo ng mga produktong petrolyo sa bansa ay karaniwan nang iniaanunsiyo sa araw ng Lunes at ipinaiiral naman kinabukasan, araw ng Martes.