Perpetual Junior Altas babawi sa NCAA Season 102

MANILA, Philippines — Walang ibang nasa isip ang Junior Altas ng University of Perpetual Help System DALTA kundi ang makabawi sa NCAA Season 102 juniors basketball tournament.

Walong bagong hugot ang ipaparada ni coach Joph Cleopas sa pagsalang ng Junior Altas sa torneong magbubukas sa Setyembre 15 sa FilOil Arena sa San Juan City.

Ang mga ito ay sina Cisco Roquid, Daniel Okeowo, Keith Sabuco, Bryna Orca Jr, Gabe Tan, Raymark Madaya, Derek Belan at 6-foot-5 Max Maurice mula sa United Kingdom.

Bumagsak ang Junior Altas sa sixth place sa nakaraang NCAA Season 101 mula sa itinalang 6-7 record.

Nauna nang tinapos ng Perpetual Help juniors team ang 40 taong pagkauhaw sa NCAA crown matapos pagharian ang Season 100 laban sa College of St. Benilde-La Salle Greenhills Junior Blazers..

Bumida sa nasabing kampeonato sina MVP Jericho Cristino at Lebron Jhames Daep.

Muling aasahan ni Cleofas sa kampanya ng Junior Altas sa NCAA Season 102 sina team captain Louie Rosales, Kurt Patalinghug, Cacai Zamoras, Francis Rosales, Lord Dulanas, Sam Villaruel, Arkin Cristobal, Vandolf Urdaneta at John Restificar.

Ang Junior Altas ang unang hahamon sa NCAA Season 101 champion Letran Squires sa pagdribol ng torneo sa FilOil Arena sa San Juan City.