Top achievers nga nigradwar sa elementarya ug senior high school gipasidunggan

CEBU, Philippines — Sa wala pa ang kasaulogan sa Osmeña Day gihatagan og pasidungog sa kagamhanan sa Dakbayan sa Sugbo ang ulahing batch sa top achievers atol sa ika-37 nga Don Sergio Osmeña Sr. Academic Excellence Awarding Rites nga gipahigayon diha sa IC3 Convention Center. Ang ceremony gi-organize sa Department of Education ug Cebu City Schools Division diin giila ang elementary ug senior high school graduates kinsa ni-excelled sa academic ug nagpakita sa disiplina, pagkamalungtaron ug leadership.

Si Mayor Nestor Archival, Sr. kinsa maoy nitunol sa award ngadto sa mga estudyante uban kang Bise Mayor Tomas Osmeña nipahinumdum sa honorees nga ang tinuod nga excellence dili kini masukod lang sa grado apan sa integridad ug tumong diin ang kaalam i-apply.

Giawhag ni Archival ang mga nigradwar nga magbaton og dakong damgo o pangandoy, padayon sa pagkat-on ug gamiton ang ilang mga talento pinaagi sa pagserbisyo sa ilang komunidad ug nasud samtang hangopon ang crucial role sa pamilya ug educators sap ag-umol sa ilang kalamposan.

Sa laing bahin, ang kasaulogan sa Osmeña Day karong adlawa, ang mga eskwelahan ug buhatan sa gobiyerno sa Sugbo sirado diin karon adlawa usa ka special non-working holiday subay sa Akta Republika 6953. Ang opisyales, descendants ug mga bisita ang gilaomang magtapok diha sa Osmeña Birthplace Martes sa eskina Osmeña Boulevard ug Lapu-Lapu Street alang sa paghandum sa ika-148th birth anniversary ni Sergio Osmeña, Sr. ang “Grand Old Man of Cebu”. Si Sergio Osmeña, Sr. natawo kini sa Dakbayan sa Sugbo niadtong Septiyembre 9, 1898   Nagserbisyo kini isip gobernador sa Sugbo ug nahimong unang Speaker sa Philippine Assembly ug co-founder sa Nacionalista Party uban kang Manuel L. Quezon. Niadtong 1935 napili siya nga bise rresidente sa Commonwealth ug niadtong 1944 nilingkod isip ika-upat nga presidente sa Pilipinas human sa kamatayon ni Quezon. Gikan sa The Freeman, BDB BANAT NEWS