Himala: Babaing may cancer gumaling! (Part 1)

PAKIRAMDAM ni Stephanie Serrano ng Arizona, USA, nagunaw na ang mundo makaraang malaman ang resulta ng mammogram.Bukod sa pagkakaroon ng breast cancer mayroon din siyang cancer sa spine at pelvis area.

Para makasiguro, muling idinaan sa pagsusuri at tests si Stephanie para makumpirma ang mga naunang resulta.

Iisa ang sinabi ng doktor: Mayroon siyang stage 2 cancer sa kanyang breast at stage 4 cancer sa spine at pelvis area.

Hindi maipaliwanag na kalungkutan ang naramdaman ni Stephanie.

Ang nasabi niya sa sarili: Bakit siya nagkaroon ng ganung sakit? Marami pa siyang lihim na naitanong. Sa huli, tinanggap niya ang kapalaran.

Ayon kay Stephanie, makaraang sabihin ng doktor ang resulta, nagtungo siya at ang pamilya sa St Mary Magdalene Catholic­ Church sa Arizona para magdasal kina Jesus­ at Birhen Maria. Hiniling niya na pagalingin siya sa sakit.

Pagkatapos magdasal, nalaman niya na ang araw na iyon (Hulyo 24) ay feast day ni St Charbel.

Nagdasal sila at nagnobena kay St. Charbel. Hiniling na gumaling siya sa cancer. (Itutuloy)