Gustong makigbalik ang abusadong kapuyo

Dear Atty. Divine,

Nagbuwag mi sa akong live-in partner kay mamun-og siya kon mag-away mi. Makadaghan na kini nahitabo apan ako lang siya gipasaylo. Apan karong bag-o, wa na gyud ko makaagwanta og ako siyang gibiyaan og miuli ko sa akong mga ginikanan uban sa among usa ka anak. Karon miadto siya sa amoa nangayo og pasaylo og gustong makigbalik nako.  Naglibog ko kon ako ba siyang pasayluon or hingpit na nako siyang biyaan, unsay angayan nako nga buhaton? Daghang salamat.

Marisa

* * *

Dear Marisa,

Kon makadaghan na niya buhata nga iya kang dapatan kon mag-away mo, posible nga mahitabo gihapon kini pag-usab kon makigbalik ka kaniya. Ang iyang abusive behavior posible nga naggumikan sab sa iyang dili maayong kasinatian sa dihang siya bata pa hinungdan nga nadala kini niya sa dihang siya nagdako na.

Kining susamang behavior mausab lang kon adunay professional intervention nga himoon ngadto kaniya. Busa kUn gusto gyud siya nga makigbalik kanimo mas maayo nga moduol una siya og mga professional nga makatabang sa pag-manage sa iyang anger og sa iyang behavior. Kon mahimo kana kaniya og imong makita nga adunay kausaban ang iyang behavior  then mamahimo nga imo siyang hatagan og last chance. Apan kon wa kay makitang kausaban kaniya, mas maayo nga hingpit na gyud nimo siyang biyaan aron magpuyo ka nga malinawon. Thank you and God bless.

Atty. Divine

* * *

Alang sa inyong pangutana   palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.