Unang gabii “Sigabo” gihangop sa 404K concurrent viewers

CEBU, Philippines — Gihangop dayon sa viewers ang bag-ong serye ni Coco Martin  nga “Sigabo” nga nagsugod niadtong Lunes sa gabii .

Ang pilot episode niini kay nakalangkat dayon og   og kapin sa 404,000 concurrent viewers sa Kapamilya Online Live sa YouTube.

Kauban ni Coco  sa maong serye ang  hinigugma niya nga si Julia Montes.  Gihimo sa niaging gabii ang  watch party  sa “Sigabo” nga gitambongan sa mga  bitoon niini  , mga empleyado sa ABS-CBN ug ilang partners .

Lakip sa nitambong   sa watch party mao  ang singer nga  si Yeng Constantino nga maoy nag-awit sa theme song sa serye. Sa maong kalihokan, iyang gipasundayag sa unang higayon ang awit  nga “Sigabo.”

Human sa watch party, gipadayag ni Coco ang iyang kalipay sa mainitong pagdawat sa publiko sa ilang proyekto.

Sa pagka - karon adunay 59 ka mga artista  ang nalakip  sa maong  serye, ug misaad si Coco nga daghan pang mga karakter ug artista ang makita sa umaabot nga episodes .

Makita ang  “Sigabo”  sa AllTV2, A2Z, TV5, Kapamilya Channel, Kapamilya Online Live, ug iWant.

17th Star Awards for Music Pasiunang listahan sa  mga mananaog gianunsyo

Aduna na'y  pasiunang listahan sa mga mananaog sa 17th Star Awards for Music.

Base sa gianunsyo sa  PMPC Star Awards Inc.  naangkon  sa  Nation's Girl Group nga  BINI  ang pasidungog nga  Dance Recording of the Year alang sa  hit song nila nga  "Salamin Salamin."

Nakadaog pud sa susama nga  kategoriya ang  P-Pop boy group nga BINI alang sa  dance hit nila nga "Say Whatcha Wanna Say."

Nominado usab ang  BINI sa mga kategoriyang Song of the Year ("Salamin Salamin"), Album of the Year (Talaarawan), Duo/Group Artist of the Year, Music Video of the Year, ug  Pop Album of the Year.

Si Juan Karlos ang nakaangkon sa award nga  Male Acoustic Artist of the Year alang sa awit niya nga  "Tanga Mo Juan."

Nominado  usab  siya sa uban nga mga  kategoriya  nga sama sa  Male Recording Artist of the Year, Concert of the Year, ug  Male Concert Performer.

Nakuha  ni Vice Ganda ang award nga  Christmas Song of the Year alang sa iyang awit nga "Rainbow Christmas."

Ang uban nga mga mananaog  kay ianunsiyo sa awards night nga mahitabo karong Hunyo 25, 2026.