Liza milugwa sa big event
CEBU, Philippines — Mitambong ang aktres nga si Liza Soberano sa “Voices That Move” event atol sa 2026 Goals Lounge nga kabahin sa ika-81 nga United Nations General Assembly sa New York City.Mapasalamaton si Liza sa higayon nga makapaambit sa iyang mga panglantaw kabahin sa adbokasiya, representasyon ug responsibilidad sa paggamit sa iyang tingog aron makahatag og kausaban. Nagpasalamat usab siya sa mga ideya ug kasinatian nga gipaambit sa ubang partisipante atol sa maong kalihokan.
Matchong Chismisan gisaway
Naputos og mga pagsaway ang podcast nga Machong Chismisan gumikan sa gisulti sa co-host niini nga si Tito P nga nagtawag kang Josh Aquino, anak ni Kris Aquino, nga “walang kwenta.” Suma pa sa ubang netizens, walay puangod ang maong host . Nipagawas dayon og statement ang “Machong Chismisan” ug nangayo sila og pasaylo sa mga nasakitan sa ilang gibuhat . Samtang giputol dayon sa The Pod Network ang ilang kontrata sa Machong Chismisan tungod sa maong hitabo.
Bag-ong oras
Mas gipalapdan ang mga pasundayag “ASAP XP” sugod karong Oktubre 18, ug bag-o na usab ang times slot niini . Makita kini sa alas 7:00 hangtod sa alas 8:45 sa gabii matag Domingo sa ALLTV2, TV5, A2Z, Kapamilya Channel, ug Kapamilya Online Live sa Facebook ug YouTube.
OPM Museum, gitingoha ni Belmonte
Gitingoha sa lokal nga kagamhanan sa Quezon City nga magtukod og OPM museum . Kini maoy gibutyag sa inahan sa maong dapit nga si Mayor Joy Belmonte atol sa Dangal ng Musikang Pilipino 2026 niadtong Miyerkules sa gabii. Nakadawat usab si Belmonte og Sandigan ng Awit Award tungod sa iyang kontribusyon sa industriya sa musika. Lakip sa mga gipasidunggan sa maong kalihokan sila Ogie Alcasid( Recording Artist Award) , Gary Valenciano ( Concert Artist Award), Jose Mari Chan ( Composer Award ), Angelo “Angee” Rozul ( Recording Engineer Award) ug Antonio M. Ocampo (Lifetime Achievement Award).
Gihatagan usab og Global Impact Award ang P-pop groups nga BINI ug SB19, ingon man ang banda nga Cup of Joe.
- Latest
