"Green Bones " ugma na!

CEBU, Philippines — Gaan kaayo sa pamati ang  pagbuhat og maayo sa isigkatawo.

Usa kini sa mga nagtangag nga mensahe sa pelikulang  "Green Bones" nga kabahin sa Metro Manila Film Festival 2024.

Matud pa sa usa sa mga bida niini nga si Dennis Trillo atol sa presscon nga gipahigayon sa SM Seaside City Cebu  sa niaging adlaw  , nga wala sila'y tingganay  sa set sa co-star niya sa maong pelikula nga si Ruru Madrid aron maseguro ang tinud-anay nila nga emosyon sa tagsa-tagsa nila ka mga role .

"Tahimik lang kami , pinag-aralan talaga namin yung role namin.  Sinadya ko talaga na hindi masyadong ma-attach kay Ruru ,para lalabas talaga ang totoong emosyon sa pag-portray sa mga karakter namin , " ni Dennis pa.

Gidala ni Dennis ang karakter sa usa ka person deprived of liberty (PDL) , samtang si Ruru kay  jail officer .

Dakong garbo alang  sa aktor nga makabaton og proyekto  nga ubos sa direksyon ni  Zig Dulay.

"Magaling na direktor , proud ako na nakatrabaho siya , " dugang pa niya .

Nalakip pud sa maong pelikula sila si  Mikoy Morales, Sofia Pablo, Alessandra de Rossi, Pauline Mendoza,  Iza Calzado ug uban pa .

  Napuno og mga pagdayeg ang Green Bones  gikan sa  nitan-aw niini sa grand premiere didto kaulohan sa niaging gabii.

Kasagaran sa mga  reaksyon kay  nakahilak  sila sa maong pelikula ug labing maayo nga magdala gyud og panyo alang sa mga nagplano nga motan-aw niini.

"Maraming salamat sa positive feedbacks . Sobrang saya dahil  na-appreciate talaga ng mga tao ang pelikula namin," ni Dennis pa.

Wala maghuna-huna si Dennis og kompetisyon  , gani gidasig niya ang katawhan nga suportahan ang tanang 10 ka entries  sa MMFF .

Matud pa sa aktor nga importante kaayo ang suporta sa publiko aron magpabiling lig-on ang movie industry sa nasud .

Gi-produce  ang Green Bones sa  GMA Pictures inubanan sa production company ni Dennis nga   Brightburn Entertainment.

Ipasalida ang "Green Bones"  sa mga sinehan sugod ugma , Disyembre 25.

Jennylyn magpabiling Kapuso

Gikatahong napirmahan na ni Jennylyn Mercado ang iyang renewal contract sa GMA Network.

Nahisgotan kini sa aktres atol sa premiere night sa pelikulang Green Bones niadtong Biyernes .

Naghinam-hinam na si Jen sa umaabot niya nga mga proyekto sa GMA.

Kever  sa usa'g-usa

Gidungog nga gilikayan na nila ni Maris Racal ug  Anthony Jennings ang usag-usa .  Samtang nakig-party si Anthony sa mga kaubanan niya sa seryeng Incognito, nagpabukid usab si Maris kauban ang iyang mga higala.  Kahinumdoman nga wala nahimout si Maris kang Anthony kaniadto human kini nangangkon nga single apan dili diay.

Mag-Pasko sa Spain

Makauban ni Bea Alonzo ang iyang pamilya sa pagsaulog sa Pasko didto sa iyang panimalay sa  Spain.  Suma pa sa aktres nga mao kini ang labing unang higayon nga gisaulog sa iyang pamilya  ang Pasko  sa laing nasud .

Baby No. 3

Malipayong gibalita  ni JC de Vera nga nagsabak ang iyang asawa nga si Rikah Cruz  ug mao kini ang ikatulo nila  nga anak. “Good things are definitely coming! Wishing everyone a joyful Christmas filled with love and happiness! ," ni JC pa.

Gigi gi-ban sa ABS-CBN?

Miulbo karon ang hungihong nga matud pa gi-ban  si Gigi de Lana nga molugwa sa bisan unsa nga mga programa sa ABS-CBN.

Suma pa sa nikatap nga taho , giingong nangraket ang singer nga wala'y kasayoran ang Star Magic . Giingong wala mahimout ang ABS-CBN sa gibuhat sa singer . Pabiling gipaabot ang habig ni Gigi kalabot sa maong isyu.

Self-love ipaneguro ni Ai Ai karong 2025

Ang paghigugma  sa kaugalingon  maoy hatagan og pagtagad ni Ai Ai delas Alas karong 2025.

Suma pa sa komedyanteng aktres nga panahon nga mabuhat niya ang mga butang  nga wala niya nabuhat sa panahon nga wala pa  sila nagbulag sa iyang bana nga si Gerald Sibayan.

Kahinumdoman nga dili lalim ang naagian ni Ai Ai karong tuiga human gituldokan nila ni Gerald ang pito ka tuig nila nga kaminyoon .

Positibo si Ai Ai alang sa maayong dagan sa iyang kinabuhi karong 2025 bisan paman sa mga pagsulay nga iyang naagian ,ug ipatigbabaw na gyud niya ang gitawag nga self-love.

Gawas sa pag-focus sa iyang kaugalingon , ma-busy usab siya sa nakalinya niya nga mga proyekto.