Jokic-less Nuggets tumba sa Celtics

DENVER — Kumamada si Jayson Tatum ng 29 points habang may 25 markers si Kristaps Porzingis para sa 118-106 paggiba ng nagdedepensang Boston Celtics sa Nuggets.

Nagdagdag si Porzingis ng 11 rebounds at may 19 markers si Jrue Holiday para sa Boston (27-10).

Hindi naglaro para sa Denver (20-15) ang may sakit na si three-time NBA MVP Nikola Jokic.

Pinamunuan ni Russell Westbrook ang home team sa kanyang 26 points.

Sa Salt Lake City, isinalpak ni Trae Young ang isang buzzer-beating 3-pointer mula sa halfcourt line sa 124-121 pagtakas ng Atlanta Hawks (19-18) sa Utah Jazz (9-26).

Sa Dallas, naglista si Quinten Grimes ng 26 points, 9 rebounds at 6 assists para wakasan ng Mavericks (21-16) ang five-game losing skid sa 118-97 panalo sa Los Angeles Lakers (20-16).

Sa San Francisco, kumolekta si Bam Adebayo ng 19 points, 9 rebounds at 5 assists para banderahan ang Miami Heat (18-17) sa 114-98 paggupo sa Golden State Warriors (18-18).

Sa New Orleans, bumira si Anthony Edwards ng 32 points tampok ang pitong 3-pointers sa 104-97 pagdaig ng Minnesota Timberwolves (19-17) sa Pelicans (7--30).