FiberXers may ilalabas pa – Atienza
MANILA, Philippines — Bagama’t sumasakay sa isang four-game winning streak para sa 6-2 record sa Season 49 PBA Commissioner’s Cup ay hindi pa rin kuntento si coach Franco Atienza sa ipinapakita ng Converge.Ayon kay Franco, marami pang ilalabas ang mga FiberXers sa pangunguna nina point guard Alec Stockton at center Justin Arana.
Malaki rin ang naitutulong ng mga bagong dating na sina Justine Baltazar at Fil-Australian shooter Jordan Heading.
“We want to do that, to play as a team, run our system and defend as a team and when we do that good things happen,” wika ni Franco.
“We want to continue learning and we believe ‘yung ceiling namin for improvement medyo malaki pa, so we want to continue to improve,” dagdag nito.
Magkakasunod na pinadapa ng Converge ang NLEX (3-4), Phoenix (1-5), Barangay Ginebra (4-2) at Meralco (3-2).
“You might argue na we are on a winning streak but iyon lang naman ‘yung kaya naming gawin – to put ourselves in a position na somehow at the end of the elimination medyo maganda ‘yung placing namin,” ani Atienza.
- Latest
