Thaddeus kikilatisin sa 3YO Maiden race

MANILA, Philippines — Atat na mapanood ng mga karerista ang inaabangan na pagtakbo ng Thaddeus sa pista, nakatakda itong pumarada sa 3-Year-Old & Above Maiden Race na ilalarga bukas, (Biyernes) sa Metro Turf, Malvar - Tanauan City, Batangas.

Inaasahang makakakuha ng maraming suporta ang Thaddeus sa mga karerista at malalaman ito pagsimula ng karera na pakakawalan sa Race 1 ng alas-5 ng hapon.

Ang ibang kalahok sa distansyang 1,200 meter race ay ang Music N Magic, Road Safety, Sunrider, Arthur’s Theme at Desirable.

May nakalaan na P22,000 added prize para sa winning horse owner sa karerang suportado ng Philippine Racing Commission, (PHILRACOM).

Magbubulsa rin ang breeder ng mananalong kabayo ng P4,500 habang  P1,000 at P500.00 ang second at third placers, ayon sa pagkakasunod.

Sa katunayan, nakasalang ang Thaddeus noong Linggo pero na scratched ito, nabibigyan sana ng magandang laban ang nanalong si Birchton.

Kaya asahang aabangan ng mga karerista ang pag­larga ng Thaddeus.

Pitong balanseng races ang inihanda ng Metro Manila Turf Club Inc. (MMTCI) sa Biyernes kaya tiyak na masisiyahan ang mga karerista sa kanilang paglilibang.