Lady Maroons buwenamano ng Lady Spikers sa SSL
MANILA, Philippines — Nakalusot agad sa unang laro ang De La Salle University matapos nilang payukuin ang University of the Philippines, 25-14, 18-25, 26-24, 25-12, sa second day ng 2024 Shakey’s Super League (SSL) Collegiate Pre-season Championship na nilaro sa Rizal Memorial Coliseum kahapon.
Balik laro ang La Salle matapos nilang hindi sumali noong nakaraang taon na edition, kinapitan nila sa opensa sina veterans Angel Canino at Shevana Laput para pagpagin ang Fighting Maroons sa Pool C.
Binigyan ng Fighting Maroons ng magandang laban ang Lady Spikers sa second at third set pero naging matatag ang 2023 National Invitationals champion, La Salle sa fourth mula sa tulong nina Canino at Laput para makuha ang kabuuang panalo.
Ginanahan ang Lady Spikers sa fourth set matapos pumalo ng 14-2 run at hawakan ang 11-point lead sa event na suportado ng Shakey’s Pizza Parlor, GCash, Chery Tiggo, F2 Logistics, Peri-Peri Charcoal Chicken, Potato Corner, R and B Milk Tea at Summit Water.
Kumana si Laput ng pito sa kanyang 18 points sa fourth frame habang nag ambag si Canino ng 16 points para sa La Salle na nilista ang 1-0 karta.
- Latest
