Reformed BOC officials, totoo na ba?

HINALIHAW ni dating Senator Ping Lacson noong 2017 ang smuggling at “tara” activities sa Bureau of Customs (BOC) na pinamumunuan noon ni Nicanor Faeldon.

Nangyari ang lahat matapos ikanta ni Mark Taguba ang mga kasamahan nitong sina Teejay Marcellana, Richard Tan, Kenneth Dong, Manny Li, Chen Min at Jhu Ming Jyun.

Nakulong si Taguba at ang warehouseman na si Fidel Anoche Dee. Anong nangyari sa mga Intsik?

Lahat halos ng Department chiefs sa BOC ay tinukoy ni Lacson na tumatanggap ng tara. Given ‘yan di ba?

Kapado na ng mga matatandang tinali sa BOC tulad nina Commissioner Bienvenido Rubio at CIIS Director Verne Enciso ang laro ng players sa bakuran nila.

Kaya naman naabot ng BOC ang collection targets nila. Wala lang sanang kakaliwa!

Mahigpit ang pagbabantay ngayon sa lahat ng port of entries sa BOC. Patunay dito ang mga nadiskubreng shipments ng shabu na idinadaong sa private port sa Batangas.

Ipinaaanod naman sa karagatan ng Ilocos ang iba. ­Kinumpiska na ng BOC ang pump boats na ginamit. Bravo!