Body hacks para ­maginhawahan (Last part)

• Kapag hirap makatulog, bawasan ang maliwanag na ilaw bago matulog.

Ang exposure sa bright light sa gabi ay maaaring makaa­pekto sa circadian rhythm at melatonin production. Mas madilim na environment ang nagbibigay ng signal sa katawan na oras na para matulog.

• Kapag stressed, maghilamos ng malamig na tubig.

Ang malamig na stimulus sa mukha ay maaaring mag-activate ng diving reflex, na pansamantalang nagpapabagal ng tibok ng puso at nakatutulong sa pagpapakalma ng katawan.

• Imasahe ang earlobes kapag gusto mong mag-relax.

Ang banayad na masahe ay maaaring makatulong sa relaxation dahil sa soothing sensory stimulation. Hindi naman napatunayang may espesyal na “pressure point” sa earlobe na direktang nagpapawala ng stress.

• Kapag nasisinok, pigilin sandali ang paghinga.

Ang hiccup ay dulot ng hindi sinasadyang pag-contract ng diaphragm. Ang maikling breath-holding ay maaaring makatulong na ma-interrupt ang reflex na ito at maging regular muli ang paghinga.

• Kapag matagal nang nakaupo, igalaw ang mga paa at bukung-bukong.

Ang paggalaw ng calf muscles ay tumutulong sa venous return—ang pagbabalik ng dugo mula sa mga binti patungo sa puso.

• Pisilin nang madiin sa loob ng 30 segundo ang laman sa pagitan ng hintuturo at hinlalaki ng kamay, na tinatawag na Hegu (LI4) point sa Traditional Chinese Medicine. Matatagpuan ito sa makapal na bahagi ng laman sa pagitan ng dalawang daliri. Sa acupuncture at acupressure, ang bahaging ito ay ginagamit upang makatulong sa pagpaparelaks ng katawan at pagbawas ng tensiyon.